Revista e mirënjohur “Time” ka përgatitur një artikull ku ka përzgjedhur 50 vendet më të bukura në botë për t’u vizituar përgjatë pushimeve vjetore dhe surprizuese është përzgjedhja e vendit tonë midis destinacioneve botërore si Karaibet, Barcelona, Kili, Egjiptit etj.

Qyteti i Beratit është konkretisht qyteti i përzgjedhur për artikullin e “Time” ku evidenton se Berati është një qytet, shtëpitë e të cilit janë të ndërtuara me gurë të vjetër buzë lumit të Osumit, duke rekomanduar që bukuritë e Beratit duhet të vizitohen të paktën një herë në jetë.

Nuk është hera e parë që vendi ynë tërheq vëmendjen e mediave ndërkombëtare duke i cilësuar tashmë si një vend i mrekullueshëm për turizëm dhe duke u klasifikuar ndër listat më në zë të turizmit dhe guidave të tilla.