Avokatja dhe aktivistja Merita Çela Dakovelli, njihet prej vitesh për mbështetjen që ka dhënë në çështje me ndikim social, ekonomik dhe politik në qytetin e Durrësit, duke u bërë shpesh zëri për të padëgjuarit dhe mbështetja për ata të cilët gjenden në vështirësi me drejtësinë, kur kjo e fundit nuk tregohet objektive.

Së fundmi avokatja ka mbyllur me sukses çështjen ku u shoqëruan padrejtësisht 2 persona rreth 2 vite më parë pasi këta të fundit po ushtronin të drejtën e tyre për të protestuar.

Ja se çfarë shkruan avokatja në postimin e saj:

“Sot me shumë sukses, pas një viti e gjysmë hetimi përfunduam procesin gjyqësor për sa i përket dy personave të arrestuar për protestat e datës 10.03.2022 E.S dhe A.B të cilët akuzoheshin për veprat penale ; “Organizim dhe pjesëmarrje në grumbullime e manisfestime të paligjshme”, Mosbindje ndaj punonjësit të policisë ..” dhe “Pengimi i qarkullimit të mjeteve të transportit”.

Ashtu si në çdo rast tjetër që kam asistuar protestues, puna ime nuk përfundon vetëm me ndihmën në momentin e ndalimit, por vazhdon si në vlerësimin e masës ashtu edhe gjatë procesit të hetimit deri në gjykimin e themelit.

Ashtu siç edhe në të gjitha rastet i gjithë shërbimi është bërë pa pagese dhe me shumë impenjim.

Për të disatën herë gjykata, mbështetur në fakte, prova dhe në vendimin e Gjykatës Kushtetuese, e pushoi çështjen me argumentin se fakti nuk përbën vepër penale.

Mirënjohja e personave që kam asistuar ka shumë më shumë vlerë.

E drejta për të protestuar është e drejtë kushtetuese!”