Shkencëtarët kanë një kuptim të ri për vrimat e zeza supermasive falë të dhënave të mbledhura nga teleskopi Green Bank në Virxhinia Perëndimore . Vrimat e zeza supermasive ndodhen thellë brenda qendrës së galaktikave në zona ku temperaturat shkojnë deri në 50 milionë gradë Celsius. 

Në një punim të ri të botuar në revistën Astronomy & Astrophysics që analizon grumbullimin e galaktikave MS0735, një ekip astronomësh përdori një instrument të njohur si MUSTANG-2 në teleskopin Green Bank në Virxhinia Perëndimore për të kapur me imazhe grupin në një mënyrë unike. Sfondi kozmik konsiderohet të jetë shkëlqimi i mëpasshëm i lindjes së universit tonë 13.8 miliardë vjet më parë.

Këto gjetje të reja përforcojnë zbulimet e mëparshme se të paktën një pjesë e mbështetjes së presionit në zgavra është për shkak të burimeve jo termike të tilla si lloje të tjera grimcash, rrezet kozmike dhe turbulencat dhe potencialisht një kontribut të vogël nga fushat magnetike.

Ndryshe nga kërkimet e mëparshme imazhet e reja të prodhuara nga GBT konsiderojnë mundësinë që mbështetja e presionit brenda flluskave mund të jetë më e qartë sesa mendohej më parë, duke përzier përbërësit termikë dhe jotermikë. Vëzhgimet e ardhshme nëpër frekuenca të shumta mund të përcaktojnë më saktë natyrën shpërthimit të vrimës së zezë.