Shqipëria U-19 fiton miqësoren e parë ndaj Maltës, vendos goli i Denis Prendit

Shqipëria U-19 fitoi miqësoren e parë ndaj Maltës U-19 me rezultatin minimal 1-0. Sfida u zhvillua mbrëmjen e sotme prej orës 19:30 në stadiumin “Centenary Stadium” dhe U vendos nga goli i Denis Prendit në minutën e 49-të të pjesës së dytë.

Trajneri Bledi Shkëmbi e nisi me këtë formacion titullar sfidën ndaj Maltës U-19: Amarildo Dervishi (GK), Kleo Shpuza, Denis Prendi, Fabjan Perndreca, Eltion Misini, Kledi Marinaj, Jordi Jaku (C), Ergis Arifi, Ron Hasani, Brayan Gjyla, Olsi Myrta.

Pjesa e parë e takimit përfundoi në barazim 0-0, ndërsa fraksioni i dytë nisi më mirë për kuqezinjtë. Denis Prendi zhbllokoi takimin në minutën e 49-të. Ron Hasani harkoi saktë drejt zonës dhe Prendi e dërgoi topin në rrjetë.

Deri në fund asgjë nuk ndryshoi në rezultat dhe Shqipëria U-19 triumfoi ndaj Maltës U-19. Më datë 22 mars Kombëtarja U-19 do të zhvillojë edhe miqësoren e dytë ndaj Maltës U-19, në stadiumin “Centenary Stadium” në ora 19:30.

Rreth autorit

Aldo Mustafa

U lind më 6 janar 1996 në qytetin e Durrësit.
Studimet Bachelor i ka përfunduar në Durrës pranë Fakultetit të Edukimit për degën Gjuhë-Letërsi-Anglisht, në universitetin "Aleksandër Moisiu", ndërsa Masterin Shkencor e ka përfunduar po në degën Gjuhë-Letërsi-Anglisht, profilizuar për letërsi.

Gjatë studimeve universitare do të niste të shkruante një vëllim me përralla, të cilat në thelb do të kishin mitologjinë shqiptare dhe krijesat e saj, parë ndryshe nga autori me një version të origjinës së tyre dhe sesi ato ishin krijuar, bashkë me mitet aktuale të njohura. Vëllimi do të përfshinte gjashtë përralla me ilustrime, të grupuara në dy trilogji.

Njëkohësisht me përrallat do të shkruante komedinë dhe librin e tij të parë “Komedia gjyqësore”, botuar më 2018, ditën e diplomimit të tij. Zhaneri i komedisë do të ishte sprovë për shkak të popullaritetit të pakët dhe mungesës së kulturës për dramaturgjinë.

Pas botimit të librit të parë, menjëherë do të publikohej një prozë e shkurtër e kategorizuar në “Kohërat e kolerës” nga autorja e mirënjohur Arlinda Guma, në web-in e saj DEFEKT-TEKNIK. Ajo do ta redaktonte dhe më pas ta publikonte prozën e titulluar “30 vjet amnezi në 100 vjet vetmi”, shkrim ky, ndikuar nga autori G. G. Marquez, referuar situatës politike, ekonomike dhe kulturore në 30 vitet e fundit të demokracisë në vend. Shkrimi do të korrte sukses dhe do të botohej në disa portale.

Aldo Mustafa do të botonte një numër të konsiderueshëm artikujsh kulturor të cilat do të përfshinin intervista me studiues të letërsisë, intervista me profesorë të kërkimeve shkencore, përkthime të ndryshme të fjalimeve dhe intervistave me shkrimtar të huaj dhe të fjalimeve inspiruese.

Është pjesëmarrës në disa konferenca studentore, trajnime dhe shkolla verore të cilat trajtojnë “Sfidat e përfshirjes së Shqipërisë në Bashkimin Europian”.

Prej 2019 Aldo Mustafa ushtron profesionin e gazetarit të terrenit, ku fillimisht ka nisur punë pranë Syri Tv, me themelimin e televizionit të ri, më pas punoi paralelisht për gazetën Bulevard News, ndërkohë që kreu një sër investigimesh në bashkëpunim me Porta Vendore, projekt i mbështetur nga Ambasada Zviceriane. Një ndër bashkëpunimet e radhës në gazetarinë investigative, do të ishte dhe ai me Ambasadën Amerikane e cila financoi projektet të Investigative Network Albania me temë "Drejtësia e munguar, vetëm 1 i dënuar me shërbim prove për 51 viktimat e tërmetit" i cili i zhvillua në formën e një minidokumentari. Prej vitit 2021, Aldo Mustafa është gazetar pranë Report Tv.

https://revokult.com

Më shumë postime

28/01/202428/01/2024