Zaloshnja: Mbi 70% e shqiptarëve e vlerësojnë pozitivisht punën e SPAK-ut

Nga Eduard Zaloshnja

Disa sondazhe janë zhvilluar online ditët e fundit për SPAK-un, meqë ka qenë së fundmi në qendër të debateve publike. Në sondazhet online, marrin pjesë shqiptarë të këtushëm, por edhe shumë nga ata që janë jashtë Shqipërisë.

Kështu, deri të shtunën në darkë, tek sondazhi i portalit Shqiptarja.com, 83% e audiencës anonte pozitivisht për SPAK-un (rreth 5500 pjesëmarrës); tek sondazhi i portalit të Top Channel, 79% e audiencës anonte pozitivisht për SPAK-un (rreth 10500 pjesëmarrës); tek portali BalkanWeb, 67.5% e audiencës anonte pozitivisht për SPAK-un (rreth 7300 pjesëmarrës).

Para se SPAK-u të vihej në qendër të debateve më të fundit publike për të, unë drejtova një sondazh rigoroz në terren nga Konispoli në Vermosh, ku kishte edhe pyetje për SPAK-un (ndër shumë e shumë të tjera). Rezultoi se rreth 65% e shqiptarëve të këtushëm anononin pozitivisht për SPAK-un.

Meqë në portalet e sipërcituara votojnë edhe shumë shiptarë jashtë kufijve të vendit, kurse në sondazhin e drejtuar nga unë u anketuan vetëm banorë të rritur në terrenin e Republikës së Shqipërisë, një ndërthurje e përafërt e këtyre sondazheve na çon te konkluzioni i përafërt statistikor se aktualisht, mbi 70% e shqiptarëve kudo që ndodhen anojnë nga vlerësimi pozitiv për SPAK-un, dhe më pak se 25% kanë vlerësim kanë vlerësim negativ.

Rreth autorit

Aldo Mustafa

U lind më 6 janar 1996 në qytetin e Durrësit.
Studimet Bachelor i ka përfunduar në Durrës pranë Fakultetit të Edukimit për degën Gjuhë-Letërsi-Anglisht, në universitetin "Aleksandër Moisiu", ndërsa Masterin Shkencor e ka përfunduar po në degën Gjuhë-Letërsi-Anglisht, profilizuar për letërsi.

Gjatë studimeve universitare do të niste të shkruante një vëllim me përralla, të cilat në thelb do të kishin mitologjinë shqiptare dhe krijesat e saj, parë ndryshe nga autori me një version të origjinës së tyre dhe sesi ato ishin krijuar, bashkë me mitet aktuale të njohura. Vëllimi do të përfshinte gjashtë përralla me ilustrime, të grupuara në dy trilogji.

Njëkohësisht me përrallat do të shkruante komedinë dhe librin e tij të parë “Komedia gjyqësore”, botuar më 2018, ditën e diplomimit të tij. Zhaneri i komedisë do të ishte sprovë për shkak të popullaritetit të pakët dhe mungesës së kulturës për dramaturgjinë.

Pas botimit të librit të parë, menjëherë do të publikohej një prozë e shkurtër e kategorizuar në “Kohërat e kolerës” nga autorja e mirënjohur Arlinda Guma, në web-in e saj DEFEKT-TEKNIK. Ajo do ta redaktonte dhe më pas ta publikonte prozën e titulluar “30 vjet amnezi në 100 vjet vetmi”, shkrim ky, ndikuar nga autori G. G. Marquez, referuar situatës politike, ekonomike dhe kulturore në 30 vitet e fundit të demokracisë në vend. Shkrimi do të korrte sukses dhe do të botohej në disa portale.

Aldo Mustafa do të botonte një numër të konsiderueshëm artikujsh kulturor të cilat do të përfshinin intervista me studiues të letërsisë, intervista me profesorë të kërkimeve shkencore, përkthime të ndryshme të fjalimeve dhe intervistave me shkrimtar të huaj dhe të fjalimeve inspiruese.

Është pjesëmarrës në disa konferenca studentore, trajnime dhe shkolla verore të cilat trajtojnë “Sfidat e përfshirjes së Shqipërisë në Bashkimin Europian”.

Prej 2019 Aldo Mustafa ushtron profesionin e gazetarit të terrenit, ku fillimisht ka nisur punë pranë Syri Tv, me themelimin e televizionit të ri, më pas punoi paralelisht për gazetën Bulevard News, ndërkohë që kreu një sër investigimesh në bashkëpunim me Porta Vendore, projekt i mbështetur nga Ambasada Zviceriane. Një ndër bashkëpunimet e radhës në gazetarinë investigative, do të ishte dhe ai me Ambasadën Amerikane e cila financoi projektet të Investigative Network Albania me temë "Drejtësia e munguar, vetëm 1 i dënuar me shërbim prove për 51 viktimat e tërmetit" i cili i zhvillua në formën e një minidokumentari. Prej vitit 2021, Aldo Mustafa është gazetar pranë Report Tv.

https://revokult.com

Më shumë postime

28/01/202428/01/2024