Gjeniu i letrave nuk është më, por veprat e tij si pasuria më e madhe që ai la mbushin shpirtin e lexuesve të panumërt.

Në libraritë e Tiranës ka pasur një fluks të shtuar për të marrë librat e Kadaresë tonë të madh si një mënyrë për ta patur me pranë shkrimtarin e preferuar.

Librarët tregojnë se përveç shqiptarëve ka patur një numër të konsiderueshëm turistësh të huaj të cilët apo kanë marrë vesh lajmin janë interesuar të kenë një libër të Kadaresë.

“Lajmi për ndarjen nga jeta të Kadaresë ka prekur dhe ka shtyrë shumë qytetarë për të njohur letërsinë e tij, por lajmi u përhap edhe në media të huaj kështu që shumë turistë të huaj kanë ardhur dhe kanë blerë veprat e tij“

Përsa i përket grupmoshës që preferon të lexojë Kadarenë, ajo është e pamoshë dhe në çdo kohë e interesuar për veprat e Kadaresë.

“Kadarenë e lexojnë pothuajse të gjithë. Është futur edhe në literaturë në shkollë kehstu që çdo i rritur apo adoleshent e lexon Kadarenë”.

Vepra e gjeniut të letrave ka shënuar një numër rekord të përkthimeve në mbi 45 gjuhë të huaja e ka bërë të njohur Shqipërinë në botë, me historinë dhe me kulturën e saj shekullore./rtsh.al