Për më shumë se 140 vjet, “Shurupi i Artë i Lyle” një artikull kryesor në çdo dyqan në Britani ka paraqitur një logo mjaft kurioze në paketimin e saj. Por tani, për herë të parë që nga vitet 1880, produkti i njohur nga Rekordet Botërore Guinness për të pasur markën dhe paketimin më të vjetër në botë po i nënshtrohet një ridizajnimi.

Kompania tha se identiteti i saj i ri vizual ishte krijuar për të “rifreskuar trashëgiminë e markës për të tërhequr një audiencë të shekullit të 21-të”.

“Shurupi i artë”, është një shurup i ëmbël me ngjyrë qelibar i bërë nga sheqeri i rafinuar që u prodhua për herë të parë nga Abram Lyle & Sons në 1881. Themeluesi i kompanisë, biznesmeni skocez Abram Lyle, zgjodhi një logo të frymëzuar nga historia në ato kohë.

Duke pranuar markën e pandryshuar të produktit në 2006, Rekordet Botërore të Guinness vunë në dukje se të vetmet ndryshime të bëra që nga viti 1885 ishin “ndryshime të lehta teknike gjatë luftës për shkak të mungesës së materialeve” dhe që atëherë marka nuk kishte bërë asnjë ndryshim citon CNN.