Drejtori i Bibliotekes Kombetare, Piro Misha nenshkroi diten e djeshme nje marreveshje bashkepunimi me drejtorin e Institutit Italian te Kultures, Alessandro Ruggera. Marrëveshja midis dy vendeve ka për qëllim realizimin e ekspozitës ‘Botimet veneciane në Fondin e Bibliotekës Kombëtare të Shqipërisë’.

Ekspozita do të çelet më datë 21 tetor 2024, në ambientet e BKSH-së ku dhe do të tregohet koleksioni i pasur i veprave të botuara në Venecia, që prej shek. XIV, që zotëron BKSH-ja.

Po ashtu do të prezantohen rreth 600 botime dhe harta, të cilave do t’u bashkëngjiten edhe panele shpjeguese, ilustrime dhe postera grafikë në formë filarmonike.

Për këtë ngjarje, Instituti Italian i Kulturës, ndër të tjera, ka mundësuar vënien në dispozicion të kuratores shkencore znj. Elisabetta Sciarra.

Përmbyllja e kësaj marrëveshjeje do të jetë botimi i një katalogu, ku do të përfshihen të gjithë ekzemplarët e publikuar në këtë ekspozitë.