Komiteti Ezekutiv i FSHF-së miratoi sot disa vendime që më së shumti kanë të bëjnë me përmirësimin e infrastrukturës futbollistike në vend. Ndër më kryesori është bashkëfinancimi i ndërtimit të stadiumit të Besës së Kavajës, që do bëhet bashkë me bashkinë. Do ndërtohen gjithashtu disa fusha të reja, një prej të cilave në Shtëpinë e Futbollit dhe një tjetër në stadiumin “Luftëtari”.
Komiteti Ekzekutiv i FSHF-së miratoi edhe ndërrimin e tapetit sintetik në fushën e Shoqatës Olimpiku në Durrës si edhe rikonstruksionin e stadiumit “Shefqet Lamçja”. FSHF do të investojë edhe në kryerjen e disa punimeve shtesë në stadiumin “Arena Egnatia” në Rrogozhinë. Këtu do përfshihet edhe ndërtimi i një mini kalçetoje me bar sintetik pas kërkesës së Famullisë së Shna Prendes në Juban të Shkodrës.
Gjithashtu, qeveria e FSHF-së miratoi emrin e ri të drejtorit komercial në FSHF, që do të jetë Fabio Santoro, ndërsa një nga vendimet e marra nga anëtarët e KE-së ishte miratimi i Rregullores për Shpërndarjen dhe Përdorimin e Fondeve të Solidaritetit. Komiteti Ekzekutiv u njoh edhe me memon mbi miratimin e Rregullores së Licensimit të Klubeve dhe Qëndrueshmërinë Financiare për kompetionet e UEFA.
