Dua Lipa ka anuluar turneun e saj në Indonezi për arsye sigurie.

Ylli 29-vjeçar i popit do të performonte sot (9 Nëntor 2024) në Xhakartë, por e anuloi spektaklin disa orë para shfaqjes për shkak të shqetësimeve të sigurisë në “Indonezia Arena”, e cila mund të strehojë 16,500 njerëz.

“Me pikëllim them se nuk do të mund të performoj në Xhakartë”, ka shkruar ajo në një postim në rrjetet sociale.

“Unë jam këtu në vendin tuaj të mrekullueshëm dhe gati për të performuar, por jam e shokuar të them se është përcaktuar se nuk është e sigurt të vazhdohet shfaqja për shkak të shqetësimeve të sigurisë.”

Dua Lipa sapo kishte performuar në Singapor, por turneu i saj tani do të anashkalojë ekonominë më të madhe të Azisë Juglindore dhe shtëpinë e rreth 280 milionë njerëzve, duke vazhduar në Filipine, Japoni, Tajvan, Malajzi dhe Tajlandë.

“E kam pritur me padurim këtë mbrëmje dhe më dhemb vërtet që nuk mund të performojmë për të gjithë ju, veçanërisht pas kaq shumë kohësh që nga performanca ime e fundit në Xhakarta,” tha ajo.