Në një rrëfim të papritur dhe të qeshur, këngëtari Jet ndau një nga momentet më të sikletshme gjatë eksperiencës së tij në X Factor Albania. Në episodin më të fundit të RevoCast, ai riktheu kujtime nga dita e famshme e vilave të jurisë, kur emocionet dhe humori i gjyshes së tij bënë që situata të dilte jashtë kontrollit… live në kamera!

Jet: Ka qenë dita e vilave, vilat e jurisë, edhe aty marr lajmin që unë kam kaluar. Thërras gjyshen në telefon për t’i dhënë lajmin.

Aldo Mustafa: E thërret live?

Jet: Po, live. E marr në telefon dhe po i bëja lojën, i them: “Nëna, nuk kam kaluar!” Ajo bërtet: “Hiii bir, m’raft pika nonës, po pse?” Pastaj vazhdon: “Ik re, ik, se ty s’të besohet… të hongsha nona sumën.” Në atë moment unë i them: “Mos, nëna, se jam në kamera!”

Aldo Mustafa: Dmth. ti e dije që nëna jote mund të “lëshoj kumbulla” herë pas here?

Jet: Nuk e prita që ta thoshte në atë moment. Mendova se do e mbante gojën.

Ky episod tregon jo vetëm emocionet që artistët ndiejnë në momentet kyçe të karrierës së tyre, por edhe sesi spontaneiteti i një familjari mund ta shndërrojë situatën në një skenë epike humori. Jet, me të qeshur, pranoi se kjo ngjarje mbetet një nga kujtimet e tij më të paharrueshme, ndërsa dëshiron që të gjithë ta shohin atë si një moment të sinqertë dhe të dashur.

Për më shumë histori që do t’ju bëjnë të qeshni, ndiqni episodet e RevoCast, ku të papriturat nuk mungojnë kurrë!