Episodi më i fundit i RevoCast ka sjellë një situatë komike që nuk kishte si të mos shkaktonte të qeshura të pafund për Aldo Mustafën dhe dëgjuesit. I ftuari, gazetar dhe tekst-shkrues rekord në Kënga Magjike, Elios Shuli, krijoi një moment të papritur kur “deklaroi” me humor se do të linte intervistën, duke imituar një situatë të ngjashme të këngëtares Elsa Lila, e cila u largua nga një emision ku ishte e ftuar.

Biseda nisi si një diskutim i zakonshëm, por mori një kthesë humoristike kur Elios, me një mimikë serioze dhe ton dramatik, tha:
“Aldo, të lutem tani… jemi 2024, këto pyetje… e lash intervistën!”

Kjo deklaratë e papritur bëri drejtuesin e podcastit, Aldo Mustafa, të qeshë dhe përgjigjej me humor:
“Hahaha, jo të lutem lëre!”

Por Elios nuk ndalej me kaq dhe vijoi:
“Apo është ajo tjetra që…”
Në këtë pikë, Aldo ndërhyri, duke thënë:
“Jo ngatërrove emision!”

Për ta përmbyllur skenën me më shumë humor, Aldo e sfidoi Eliosin:
“Këtu tek unë nuk ke nga ikën! Do e quajnë pengmarrje, por… më vjen keq.”

Kjo batutë, e frymëzuar nga largimi i bujshëm i Elsa Lilës nga një emision, u kthye në një nga pikat më të spikatura të episodit. Me spontanitetin dhe energjinë e tij, Elios Shuli tregoi edhe një herë aftësinë për të krijuar atmosferë të këndshme dhe për t’i bërë dëgjuesit të ndihen pjesë e bisedës.

Ky episod konfirmon edhe një herë se RevoCast është vendi ku të qeshurat, reflektimet dhe spontaniteti bashkohen në mënyrë perfekte. Drejtuar nga Aldo Mustafa, ky podcast vazhdon të sjellë intervista të paharrueshme, ku edhe situatat më të zakonshme mund të kthehen në një shfaqje të veçantë falë kreativitetit të të ftuarve.

Mos humbisni këtë episod ku batutat dhe energjia pozitive e Elios Shulit e bëjnë çdo minutë një kënaqësi absolute për dëgjuesit dhe shikuesit!