Princesha e Uellsit Kate Middleton ka festyar 43-vjetorin e saj. Në këtë ditë të veçantë për të nuk kishte si të mungonte edhe dedikimi i ndjerë i Princit Uilliam.

Me anë të një postimi në rrjetet sociale Princi ka vlerësuar forcën dhe guximin e saj gjatë vitit të kaluar.

“Për gruan dhe nënën më të pabesueshme. Forca që ke treguar gjatë vitit të kaluar ka qenë e jashtëzakonshme. George, Charlotte, Louis dhe unë jemi shumë krenarë për ty. Gëzuar ditëlindjen, Catherine. Ne të duam. W”, shkruhet në postimin e publikuar, krah fotos bardh e zi e cila tregon Princeshën të buzëqeshur, e veshur me xhinse, një këmishë të bardhë dhe një shall.

Këtë vit, Kate iu është rikthyer detyrave të saj mbretërore pas një periudhe të vështirë, gjatë së cilës u përball me diagnozën e kancerit dhe u trajtua me kimioterapi.