DASHURI E PENGUAR
Dy miza dashurojnë
ngrihen, fluturojnë,
lumturia kështu e ka
ngopet me pak.
Dy atlete
më shikojnë vëngër,
nuk i lashë dje
as të putheshin,
më duhej të isha
me nxitim për në punë.
Tani nuk më flasin,
kanë lidhur gongël lidhëset,
nëse më duhet të dal
nuk kam lidhëse të tjera.
Më thonë njëzëri,
dashurinë po e pengove
të pengon.
Nuk kthej përgjigje
nga frika se mos më
duhet të blej
atlete të tjera firmato
dhe për këtë më duhet
ta fus dorën
thellë në xhep.
Janar 2025