Riad/ arkitektët e rinj
Evropa jonë e vjetër e instikteve koloniale
====
Oooo
Mileeeeeeet……,
ulëriu Qazim Mulleti i Ndrenikës sonë
Keni mbi njëqind vjet që hidheni e spërdridheni sa në një skenar metamorfozash në tjetrin vetëm e vetëm që t’i pëlqeni Evropës
Një herë ju prunë një princ që nuk e kuptoi asnjëherë se kishin tallur lulëkuqet me të derisa e përzunë sevfoli gabimisht për Shqipni etnike
Pastaj të harruan fare
Dhe ta tha Lenini i sovjetëve se i kishin bërë marrëveshjet për të të fshirë nga harta në Londrën e vitit 1916
Pastaj
Bëre luftën e Vlorës dhe u kujtuan që ishte gjallë
Pastaj bëre qeveri e parlamente e kabinete po të thanë që mbaje gojën mbyllur për 2 të tretat e viseve shqiptare përreth që masakroheshin
Pastaj të thanë që t’a harroje Çamërinë
Pastaj të thanë që t’i të harroje Janinën, kryeqendrën e Jugut tënd
Dhe pastaj të thanë të harroje Shkupin
Kryeqendrën e gjithë viseve të tua dhe qytetin më të madh të Ballkanit…
Dhe ti u binde
Ti servilja që kujton gjithmonë se qingji i urtë pin dy nëna
Dhe ti u binde pra
Dhe Hasanprishtinjotët që kundërshtuan ti vranë pas shpinës siç të kishin vrarë Ismail Qemalin
Pastaj u bëre me një mbretëri të Shqipërisë londineze dhe të thanë t’a harroje kongresin e Triestes së Ismail Qemalit e Beqir Greblleshit, dhe ti i harrove
Pastaj mbretin t’a martuan me një familje princërore me kusht që pinjollët e tij të ishin katolikë dhe ti e pranove
/se Evropa ashtu na don
Se progresi na pret/
Pastaj erdhi lufta
Pastaj për herë të parë erdhi bashkimi fashist i territoreve të tua dhe u bëre me një kryeqytet me një kryeministër etj etj.
Pastaj
U bëre dhe me një parti komuniste që quhej Partia komuniste Shqiptare
Pra e gjithë shqiptarëve
Po fill pas luftës të thanë t’a harroje dhe ta bëje partia Komuniste e Shqipërisë
Dhe të ktheheshe flrus te Shqipëria e vockël londineze
Dhe ti e pranove kokëulur
Pastaj e shembe diktaturën dhe kujtove që, më në fund Evropa, ja nuk na kishte braktisur
Po pastaj të thanë sërish që t’a harroje Kosovën,
ta harroje dhe Shkupin, e partitë shqiptare atje ti bënin selitë në Tetovë
Se na e shpërblen evropa me integrim te kullotat e saj të parajsës
/siç na kishin premtuar më parë dhe komunistët e vëllazërim bashkimit që më vonë masakruan 300.000.mijë shqiptarë/
Dhe
Pastaj na thanë që t’a harronim sërish Çamërinë
Dhe në vend të saj të hapnin tryezat politike për vetëdeklarimin e kombësisë e Vorioepirin
Se Çamërinë duhet t’a flijojmë sërish për gjeostrategjirat evropiane
Po dhe Vorioepirin duhet t’a pranojmë
Po dhe njëqind minoritete të reja duhet t’i lejojmë, mjaft të venë firmë treqind vetë
Dhe nuk i bëre asnjëherë as dhe një përkujtimore monumentit Hafiz Ali Sabri Koçit
Dhe porteve, aeroporteve, miniporteve, kolegjeve, shkollave e njëqind e një institucioneve u vure emrin e Nënë Terezës
Dhe
Gjergj Kastriotin, gjeneralin e madh të shqiptarëve
E bëre sikur kishte lindur ishte rritur, edukuar e stërvitur në selinë romane të intrigave të papatit e sikur ishte gjeneral i tyre jo i joni
E monumentin e tij me kalë e shpatë
Atë monumentin e Odise Paskalit të madh
e vure në Prishtinë e Shkup jo për të na bashkuar,
po për të na mbrojtur ne e oksidentin prej hordhive aziatike
Kështu të thanë
kështu bëre
Tu mbush mendja se ke në krah aleatët më të mëdhenj të të gjitha botërave
Ti bishtspërdredhsja e qingjit të urtë që pin dy nëna
Dhe tani sërish
Tani që gjithkush po e sheh se Evropa e integrimeve të tua ishte halucinacion
Tani që e refuzuan në Riad
Tani që kushdo po e sheh që Brukseli është një kështjellë burokratike kartoni
Politiqantët e t’u të thonë sërish broçkulla integrimesh….
Oooo
Mileeeeeeet
Po vjen epoka e patriotëve, e sovranitetit e realpolitikës
Kthehju vetvetes
Kthehju etërve të tu themelues
Se treni ikën me shpejtësi
E mund të mbetesh sërish me gisht në gojë
Siç ke bërë këto njëqind e ca vjet
Tha
Qazim Mulleti i stafit të Donald Trumpit
Nga Maja e Statujës së Lirisë