Çmimet “Oscar” ‘pushtuan’ internetin dhe rrjetet sociale mbrëmjen e kësaj të diele me fitore të papritura apo veshjet e zgjedhura nga yjet e kinemasë, shumë prej të cilave i lanë pak vend imagjinatës.

Shumë nga momentet virale nuk ishin të lidhura me vetë çmimet, por me sjelljen e batutat e të ftuarve.

Prezantuesi Conan O’Brien ngacmoi shumë prej të ftuarve, duke përfshirë Drake dhe Adam Sandler. Ky i fundit, edhe pse nuk është nominuar ndonjëherë për çmimet “Oscar” ia doli të vjedhë vëmendjen e spektaklit dhe të shkaktojë të qeshura.

Aktori 58 vjeçar u shfaq në ceremoninë e Oscar-ve me kapuç dhe pantallona të shkurtra, gjë që Conan O’Brien ia vuri në dukje.

Duke bërë sikur u fye, Sandler u largua nga ceremonia, por jo përpara se t’i jepte një puthje kandidatit për Oscar, Timothee Chalamet.

Adhuruesit e modës kritikuan Chalamet për paraqitjen e tij në Oscar 2025 me një kostum të verdhë.

Sipas disa komenteve ai ngjante me Njeriun me Kapele të Verdhë te seria “Curious George” (Xhorxhi Kurioz).

Ndërkohë, kur kamerat nuk po filmonin, publiku i përbërë nga yje të botës së filmit u ngrit për të kërcyer, nxitur nga Colman Domingo.

Një nga skenat që mori vëmendjse në prapaskena ishte kur Ariana Grande përdori fundin e ngurtë të fustanit të saj për të vendosur celularin

Ndërsa Halle Berry, rikrijoi një nga momentet më ikonike të Oscars kur u ribashkua me Adrien Brody 12 vjet pas puthjes së tyre në skenë.

Jo pak vëmendje mori edhe deklarata politike jashtë skenarit e aktores, njëherësh dhe prezentuesja e “Oscars”, Daryl Hannah, e cila thirri “Lavdi Ukrainës”, kur u ngjit në skenë, për të dhënë çmimin për montazhin më të mirë.

Deklarata e Hannah vjen pas një përplasjeje të papritur mes presidentit Trump dhe Volodymyr Zelensky javën e kaluar në zyrën Ovale.