Në një postim në rrjetet sociale kryetari i bashkisë së Shijakut i ka bërë thirrje qytetarëve të mbështesin Partinë Socialiste dhe vizionin e Kryeministrit Edi Rama, për të bërë të mundur integrimin e Shqipërisë në BE.

Postimi i plotë:

11 Maji është dita kur qytetarët do të vendosin për të ardhmen e tyre.

Partia Socialiste e udhëhequr nga vizioni politik i Kryeministrit Edi Rama ka transformuar rrënjësisht Shijakun dhe Shqipërinë.

Edi Rama është modeli i liderit që pushtetin politik e konsideron një mision për t’i shërbyer njerëzve, duke bërë më të mirën për të tashmen dhe të ardhmen e vendit tonë. Këtë e ka treguar çdo ditë me punët dhe investimet konkrete që janë bërë në sektorë të ndryshëm: arsim, infrastrukturë rrugore, sistemin e drejtësisë, rritjen e pagave, investime në shëndetësi etj.

Integrimi i Shqipërisë në Bashkimin Europian është një çështje madhore dhe një proces që përbën një nga sfidat kryesore të Kryeministrit Rama gjatë qeverisjes së tij. Që prej marrjes së statusit të vendit kandidat në vitin 2014, qeveria ka punuar për të përmbushur kriteret e kërkuara nga BE-ja. Në këtë aspekt janë bërë hapa përpara, si hapja zyrtare e negociatave në 2022 dhe miratimi i reformave të rëndësishme.

Për të çuar përpara ëndrrën e intergrimit europian, për të ardhmen e fëmijëve tanë i bëj thirrje shijakasve, shqiptarëve brenda Shqipërisë dhe të gjithë diasporës që është regjistruar për të votuar në zgjedhjet e 11 Majit, t’i bashkohen progresit që sjell Partia Socialiste.

Imazhi i Shqipërisë dhe shqiptarëve në botë ka ndryshuar, sidomos gjatë 10 viteve të fundit. Turizmi në vendin tonë është rritur. Shqipëria shikohet si potencial ekonomik për të investuar.
Të ardhmen mund të vazhdojmë ta ndërtojmë të gjithë bashkë, mbi themelet e më shumë se një dekade transformimi pozitiv nën qeverisjen e Kryeministrit Rama dhe qeverisë shqiptare.

Partia Socialiste me në krye Edi Ramën meriton mirënjohjen e gjithë shijakasve.

Votoni numrin 5, Partinë Socialiste!

Votoni për të ardhmen e fëmijëve dhe Shqipërisë në BE!