“Post Scriptum”

Pak kompekaj,

pak “Sherry brand”,

pak “Bluz”,

menyja e dëshirës

që zbukuron imagjinatën

e të ndenjurit ngjitur

në tavolinën

ku ti paske sjellë lule

pa erë.

E ti u zemërove

që unë nuk i kuptova

aromën e munguar.

Por ti ishe kaq nervoz,

sa nuk pe

që unë isha akoma

në trenin

që nuk u nis

për shkak të grevës

së konduktorëve.

Post scriptum.

Doja të vija,

por greva i përfshiu të gjitha…

M.M 30 prill 2025