Në një industri ku moda shpesh konsumon vetveten me shpejtësi, Lady Gaga vazhdon të dëshmojë se arkivi nuk është e shkuara, por një formë e gjallë kujtese artistike.

Dalja e saj në skenën e Grammy Awards me look-un nr. 44 nga koleksioni AW09 “The Horn of Plenty” i Alexander McQueen nuk ishte thjesht një zgjedhje stilistike, por një akt respekti ndaj trashëgimisë së një vizionari që sfidoi modën dhe normat e saj.

Gaga e rikthen McQueen-in jo si relike muzeale, por si një deklaratë aktuale fuqie, teatraliteti dhe identiteti, duke riafirmuar veten si një nga figurat e rralla që e kupton modën si art, narrativë dhe qëndrim kulturor njëkohësisht.