Nga Met Dervishi

Fanari ndriçues shqiptar

Sheshi Mitsotakis në Dervican/

Sheshi Marin Mema në Filat

Me mbështetjen e aleatëve tanë të mëdhenj të Uashingtonit

Me mbështetjen e aleatëve tanë të mëdhenj të Brukselit

Me mbështetjen e Kartës së Kombeve të Bashkuara

Me mbështetjen e Forumeve ndërkombëtare të të drejtave të njeriut

Me mbështetjen e Institutit të Multikulturalizmit artificial dhe

Me mbështetjen e Institutit të zhbërjes së kujtesave historike grindavece nga tekstet e historise së luftërave shqiptarë

që iu kanë shkaktuar kaq e kaq viktima e genocide fqinjëve tonë ballkanas gjatë shekujve të pushtimeve

Dhe në mbështetje të Ligjit të Luftës së fqinjit tonë jugor

Nesër në Derviçan ngrihet dhe një simbol tjetër Vorioepirot në Bularat

Sheshi Mitsotakis

dhe monumenti Mitcotakis

Valltarët shqiptarë të të gjitha viseve dhe valltarët e 77 minoriteteve tona do ta tundin nesër sheshin me dybekun e tyre famëmadh

Ndërkaq

Me mbështetjen e aleatëve tanë të mëdhenj të Uashingtonit, Brukselit etj.. etj…

Në përputhje me parimin e madh të reciprocitetit në marrëdhëniet ndërkombëtare

Po nesër në Filat të Çamerisë

Do të ngrihet sheshi dhe monumenti i Marin Memës

Të gjithë valltarët e shtetit homogjen të minoriteteve vllahe, arvanitase, maqedonase etj etj të fqinjit tonë jugor do të jenë nesër në sheshin Marin Mema të Çamërisë

Dhe ndërkaq

vendi ynë do të marrë çmimin e madh të Fanarit ndriçues të Ballkanit, se nuk është një shtet pispiruq ngatërresaxhi

po qëndron në lartësinë e detyrave të veta historike

Kaq sa për sot , të dashur miq

Duke iu uruar një drekë të mirë në këtë republikën tonë të vockël të bananeve që po çudit të gjitha forumet e botës së parë të dytë e të tretë me zemërgjerësinë e saj

Që paralajmëron një epokë të re