Zhvillime të tilla në Jugun e Shqipërisë po krijojnë një model të dëmshëm për të ardhmen e turizmit duke fshirë një nga vlerat thelbësore të markës vendase. Autenticitetin.
Zhdukja e arkitekturës tradicionale, peizazheve historike dhe zëvendësimin e tyre me grumbuj betoni të shëmtuar është një nga gabimet e mëdha që po lejohet të ndodhë. Aq më keq promovimi i tyre.
Por a ka vlerë argumenti vetëm në vlerat estetike?
Trendi i turizmit botëror ka vite tashmë që po shkon drejt vlerave lokale si garantuesi i qëndrushmerisë së industrisë.
Nëse Shqipëria do të vazhdojë të promovojë dhe do të mbështes zhvillime të tilla si fotot në fjalë shumë shpejt do të humbasi atraksionin e saj duke u kthyer në një destinacion pa vlera lokale.
Ndërkohë humbësit e mëdhenj do të jenë banorët dhe bizneset e vogla ndërsa fituesit e mëdhenj do të jetojnë në Vjenë apo Paris pasi t’ju kenë shitur vilat e betonit zengjinëve të rinj shqiptar.