Janë gjetur në një shpellë në Spanjë këpucët më të vjetra në Evropë. Këpucët, të endura nga bari mendohet se janë rreth 6000 vjet të vjetra.

Këpucët u gjetën midis një grumbulli objektesh antike të zbuluara në një shpellë lakuriqësh nate në Spanjë.

Lagështia e ulët dhe erërat e ftohta në shpellë i mbajtën ato jashtëzakonisht mirë të ruajtura.

Bashkë me këpucët, studiuesit gjithashtu gjetën shporta apo edhe materiale të tjera si lëkura dhe gëlqere.

“Objektet janë grupi më i vjetër dhe më i mirë i ruajtur i materialeve të fibrave bimore në Evropën Jugore i njohur deri më tani. Diversiteti teknologjik dhe trajtimi i lëndëve të para të dokumentuara nxjerrin në pah aftësitë e komuniteteve parahistorike”, tha bashkautorja e studimit, María Herrero Otal.

Këpucët datojnë në periudhën neolitike, duke i bërë ato më të vjetra se ato prej lëkure 5500-vjeçare, të zbuluara në një shpellë në Armeni në vitin 2008./BBC