Poezi nga Alisa Velaj

VJEN DRITA PËR PAK DASHURI

Dashuri, vjen drita për pak.

Qielli mbi trungjet e vjeshtës buzëqesh.

Dhjetor i mardhur në pyllin gjetherënës.

Sa të kam dashur burrë i pashëm.

Çdo trung i zhveshur përpara shtëpisë,

ma shton më tepër padurimin e mallit.

Për pak vjen drita, lajm i mirë i qiellit.

Shtat gjetherënēs ti nuk mund të jesh,

kur aq shumë diell gëzimi me jep dhe kur nuk je…

Trungjet u përngjajnë burrave te vetmuar

Po burrat trungje s’mund të ngrysen

muzgjeve të tokës…

Vjen dritë e dashurisë edhe për pak.

Më të bukurat hije njeriu

mespërmes saj i kam parë!