Drejtuesja e AMA, Armela Krasniqi, ka dhënë lajmin e shumë-pritur për sigurinë e përmbajtjeve që publikohen online.

Nëpërmjet të një postimi në rrjetin social facebook, drejtuesja e AMA-s ka deklaruar se tashmë është krijuar mundësi bashkëpunimi me platformën TikTok, për denoncimin dhe ndalimin e përmbajtjeve të dëmshme për publikun.

Postimi i plotë:

Raporto përmbajtjet e dëmshme në TikTok:

Lajm i mirë!

Kemi vendosur bashkëpunim me platformën TikTok

️Çdo përmbajtje e dëmshme e publikuar në këtë platformë, do të regjistrohet në kanalin e hapur për llogari të AMA-s, për t’u shqyrtuar dhe, nëse nga ekipet tona do të konsiderohet si e tillë, do të marrim masat e nevojshme.
Duke filluar nga sot, ju ftoj të raportoni në linkun e dedikuar, në faqen zyrtare të AMA-s, çdo përmbajtje të dëmshme sipas mendimit tuaj, që shfaq apo nxit dhunë, që përmban gjuhë urrejtje, që shkel të drejtat e fëmijëve dhe komuniteteve.
Çdo përmbajtje që cenon liritë tona duhet ndaluar️

Bashkërregullimi është tashmë formula e gjithëpranuar për një treg mediatik të dobishëm për të gjithë dhe ne mund të bëhemi pjesë aktive e këtij procesi.

Raporto në https://ama.gov.al/denonco-shkelje-per-tiktok/