Ka nisur shitja e biletave në Shqipëri dhe Kosovë për filmin shqiptar me titullin ‘Prokurori’ ku do të luajë edhe aktori amerikan Danny Glover.
‘Prokurori’ (The Prosecutor), do të jetë premierë për herë të parë në Tiranë më 10 tetor. Ky serial, me regji nga Fatmir Doga dhe producentë Ylli Ujka dhe Çesk Ivanaj, përqendrohet te lufta e një prokurori të ndershëm kundër krimit të organizuar dhe korrupsionit politik.
Ajo që e bën këtë serial të veçantë është pjesëmarrja e aktorit të hollivudian Danny Glover, i njohur për rolet e tij ikonike në filma si Lethal Weapon, The Color Purple dhe Saw.
Në serial, Glover luan rolin e Ambasadorit Amerikan në Tiranë, i cili mbështet reformën në drejtësi në Shqipëri.
Për adhuruesit e kinemasë shqiptare dhe ndërkombëtare, biletat kanë dalë në shitje, dhe mund të blihen online ose fizikisht në kinemanë Cineplexx në Shqipëri dhe Kosovë.