Në një tjetër moment ekskluziv nga episodi i parë i RevoCast, Aldo Mustafa i drejtoi Algert Salës pyetjen që shumë fansa të tij kanë pritur: A do të kemi një album muzikor nga ai? Me një buzëqeshje të lehtë dhe humor, Algerti iu përgjigj: “Po ç’e do albumin, hahaha!” por më pas e konfirmoi se një projekt i tillë është në përgatitje. “Albumi po përgatitet… por se kur…,” — tha ai, duke ruajtur ende misterin rreth datës së publikimit.

I pyetur për stilin muzikor, Algerti zbuloi se albumi do të jetë një eksperiment i plotë. “Do të dëgjoni gjëra të ndryshme,” tha ai, duke premtuar që ky projekt do të përfshijë elemente të rinj dhe të papritura për të qëndruar i freskët për dëgjuesit. Ai sugjeroi se mund të publikohet gjatë vitit të ardhshëm, por ende nuk ka një datë të saktë.

INTERVISTA

Aldo Mustafa: Do të kemi një album muzikor?

Algert Sala: Album?!

Aldo Mustafa: Po! Album të mirëfilltë muzikor. Jo tre këngë të publikuara njëra pas tjetrës. Por një album muzikor.

Algert Sala: Po ç’e do albumin, hahaha!

Aldo Mustafa: Jo meqë merresh me muzikë e kam fjalën. Haha!

Algert Sala: Atëherë, album… albumi po përgatit…

Aldo Mustafa: Pra zyrtarisht kemi një album!

Algert Sala: Po, por se kur…

Aldo Mustafa: A mund ta dim?

Algert Sala: Jo, nuk do ta dish, s’ta them dhe nuk ta tregoj haha!

Aldo Mustafa: Ok, hoqëm dorë. Diçka dua të di. Se kenkaluar nga një zhaner kënge në një tjetër. Çfarë zhaneri kënge do të qëndrosh tek ky album, apo do vazhdosh të eksperimentosh?

Algert Sala: Sigurisht që do të jetë eksperimentim. Do të dëgjoni gjëra të ndryshme. Besoj vitin tjetër, por kohën nuk mund ta them.