Muzeu Etnografik i Kavajës i është nënshtruar restaurimit. Pas përfundimit të punimeve ky muze ka ardhur me një hapësirë krejtësisht të re jo vetëm për banorët e këtij qyteti, por për të gjithë adhuruesit e historisë.

Lajmin e ka bërë me dije kryeministri Edi Rama me anë të një videoje të publikuar në rrjetet sociale, ku thekson ndër të tjera se në këtë muze do të ketë edhe rrëfime për kulturën e vendit që vijnë nëpërmjet teknologjisë

“Muzeu Etnografik i Kavajës, i rilindur nga e para, tanimë kthyer në një hapësirë dinjitoze për turistët, ku trashëgimia kulturore dhe traditat tona shekullore janë vlera që trashëgohen ndër breza, tashmë me rrëfime historike që vijnë edhe përmes teknologjisë”, shkruan Rama në Facebook.