Në episodin më të fundit të RevoCast, këngëtari Jet ngacmoi kuriozitetin e ndjekësve me deklarata intriguese rreth planeve të tij muzikore përtej kufijve të Shqipërisë. Ndërsa është tashmë i angazhuar në Festivalin e RTSH-së, Jet la të kuptohet se mund të jetë në prag të një hapi të madh në skenën ndërkombëtare.

Aldo Mustafa: Presim ndonjë përgatitje tjetër përtej RTSH-së? Je duke menduar diçka? Ke propozime?

Jet: Me thënë të drejtën, kam shumë propozime, kam bashkëpunime dhe ndoshta, ndoshta, mund të ndodhi që mund të shkojmë edhe jashtë Shqipërisë!

Aldo Mustafa: Jashtë Shqipërisë?

Jet: Jo në Kosovë!

Aldo Mustafa: Edhe pse Kosova dhe Shqipëria tashmë janë i njëjti vend për ne, dmth. mund të kemi një pjesëmarrje? Bëhet fjalë për muzikën?

Jet: Për muzikën! Sigurisht!

Aldo Mustafa: Është kompeticion muzikor i madh?

Jet: Mund të jetë kompeticion, mund të jenë bashkëpunime me të huaj.

Sipas burimeve pranë këngëtarit, Jet ka nisur bisedimet për një pjesëmarrje në një prej kompeticioneve më të rëndësishme muzikore në Europë, një mundësi që mund të shënojë një hap të madh për karrierën e tij. Megjithatë, detajet konkrete mbeten ende sekret.

Duke u bazuar në diskrecionin e tij, kjo pjesëmarrje mund të shoqërohet me një performancë të fuqishme dhe një stil të veçantë, të cilat kanë bërë që ai të dallohet në tregun muzikor shqiptar. A do të jetë Jet një nga emrat që do ta përfaqësojë Shqipërinë në një skenë prestigjioze europiane? Pritja është e madhe!

Për të gjitha zhvillimet më të fundit rreth kësaj teme, ndiqni RevoCast dhe përgatituni për surpriza të reja nga Jet, artisti që nuk ndalon së befasuari.