Në episodin e fundit të RevoCast, këngëtari Jet ndau një moment të veçantë nga fëmijëria e tij, kur rrugëtimi drejt muzikës nisi në mënyrë krejt të papritur. Përmes një rrëfimi të sinqertë dhe të mbushur me nostalgji, ai kujtoi se si një drejtoreshë shkolle e zbuloi talentin e tij dhe e ndihmoi të kapërcente ndrojtjen që e shoqëronte në atë kohë.

Aldo Mustafa: Cili ka qenë momenti që e ke kuptuar se je i prerë për muzikë?

Jet: Atëherë, nuk e kam kuptuar unë, e ka kuptuar ish-drejtoresha ime e shkollës fillore.

Aldo Mustafa: Qenka e hershme!

Jet: Po. Ajo e ka kuptuar, sepse u hap një kompeticion në shkollë, me talente të reja, dhe një shoqja ime e dinte që unë isha shumë i trupshëm për të kënduar përpara njerëzve.

Aldo Mustafa: Ke pasur turp?

Jet: Po. Dhe me të vërtetë që, nëse nuk do të ishin ato njerëz që më shtynë, unë nuk do isha këtu sot.

Aldo Mustafa: Pra ka qenë ky momenti yt, të doli turpi apo ka vazhduar për shumë vite i tërhequr?

Jet: Normalisht ka vazhduar akoma, por prap së prap ajo drejtoresha më merrte, më fuste nëpër ditë festash, këndoja përpara shkollës.

Aldo Mustafa: Këto ishin nxemjet e para, le të themi, të tuat.

Për shumë artistë, rruga drejt suksesit fillon me një shtysë të vogël, shpesh nga dikush që sheh talentin e tyre përpara se ata vetë ta kuptojnë. Për Jet, kjo shtysë erdhi nga drejtoresha e tij e shkollës fillore, e cila pa diçka të veçantë tek ai dhe i dha mundësinë të performonte.

Pavarësisht turpit që e kishte ndjekur për shumë vite, këngët e para të kënduara në ditë festash dhe evente shkollore ishin hapat e parë drejt rrugës së tij si artist. Ky moment ishte i rëndësishëm jo vetëm për Jet-in, por edhe për ata që e mbështetën dhe e shtynë drejt realizimit të pasionit të tij.

Historia e Jet na kujton se, nganjëherë, një talent i madh ka nevojë për një shtysë të vogël për të dalë në pah. Suksesi i tij sot është dëshmi e forcës së pasionit dhe mbështetjes së duhur në momentin e duhur.