Elios Shuli i riktheu kujtimet e vjetshme në RevoCast, kur projektet e tij muzikore nuk u pranuan nga Festivali i 62-të. Por pas një viti, ai vlerëson se problemi nuk ishte vetë refuzimi, por bllokada e krijuar nga një skuadër organizative që keqmenaxhoi gjithçka.

“Na përcollën me të shumtit”

Me ironi të butë, Elios tha:
“Vjet na përcollën me të shumtit, as na pranuan fare, haha!”
Kjo situatë, për të, ishte më shumë sesa një mospranim artistik – ishte një pengesë që ndikoi edhe financiarisht.

Një kastë e re, një frymë e re

Shuli shprehu kënaqësinë që këtë vit, ekipi organizues ka ndryshuar, duke krijuar një hapësirë më të drejtë dhe transparente për artistët:
“Jam shumë i lumtur që gjithë skuadra organizuese e këtij festivali ka ndryshuar, sepse më është bërë një dëm shumë i madh me projektet që nuk m’u pranuan vjet.”

Ai shpjegoi se investimet e bëra për këngët që nuk u pranuan ishin të konsiderueshme, duke përfshirë shpenzime për prodhimin e audios dhe regjistrimet profesionale. Refuzimi i tyre jo vetëm që i ndaloi këto projekte të arrinin publikun, por shkaktoi edhe humbje ekonomike për të dhe bashkëpunëtorët e tij.