Tele/novela/politika

Sidomos për për mikun tim, Teodorin

——

Dihet:

Gjindja sa ç’e adhuron

Po aq e urren politikën e politikanin

Para dy ditësh ju ilustrova një moment të manipulimit publik

me etjen e gjindjes për të rrëmuar në pisllëqet e qilareve, krevateve e buduarëve të përfaqësueseve të vet politikë

Dhe thashë

Që kësisoj fshihet afera e inceneratorëve, etj etj, që jo domosdoshmërisht kanë të bëjnë vetëm me Erionin)

Dhe ja sot

Telenovela pasurohet me një detaj të ri

(Furnizimet vijnë nga Spaku dhe shumëfishohen nga mediet e opozita):

Pra

Skenari i telenovelës sonë pasurohet me një detaj tjetër

Dhe

Kësaj radhe dalin në skenë brekët e Ajolës

Që kushtojnë 260 dollarë

Dhe

Sakaq

Ky detaj hyn te titujt e mbititujt e ditarit tonë

telenovelistik

Të ekraneve, medieve, portaleve, blogjeve

Pastaj

Përfytyro sakaq asociacionet perverse të qindra- mijëra anonimëve të rrjeteve tona sociale që janë ekspertë të tingave, tungave, tongave…

po sidomos specialistë seks e që kalojnë nëpër orgazma gjuhësore kur sorollaten rreth brekëve

Po ndërkaq, ja dhe reagimi nga krahu tjetër:

Veliaj nga burgu i kujton opozitës të merret me brekët e sutjenat e nuses së Shkelzenit

Telenovela vijon

Po si reality show

….

Mikesha, miq

Kjo është tele/novelo/politika jonë

Kjo që nuk don t’ia dijë se në audiencat e saj ka dhe adoleshentë, përkundrazi, ose fëmijë, përkundrazi( se iu duhen për kontigjente pedofilie) ose ose…

Dhe te telepolitika jonë i ke të gjitha:

Këneta, bufë kënete, lubi me dhëmbë të helmuar, shtriganë, zhapikë, butakë, paramecë, kacagjela, hiena, luanë, dragoj e kreshnikë me topuz në dorë që shembin lagje, pallate e diga…

Dhe e gjithë kjo

Që ka vetëm një emër: epokë skizofrenike

Ka, gjithashtu

Pra dhe kjo ka eufemizmat e veta

E quhet liri demokratike, progres, tranzicion

Etj etj

Për të cilat pyesni fezinjtë e paneleve televizive

Se janë kompetentë zuzarish politike