Berat Haskaj, ose siç njihet në skenë Bennito, është një artist që ka ndërtuar një karrierë të veçantë, duke kaluar nga kërcimi në muzikë dhe duke krijuar një stil të tijin unik. Me një eksperiencë që nisi që në moshën 12-vjeçare, Bennito është një emër i njohur në skenën shqiptare, duke bashkëpunuar me artistë të njohur si Stine, Soni Malaj dhe Big Basta. Sot, ai është duke punuar për albumin e tij të parë, i cili premton të sjellë një energji të re në muzikën shqiptare.

Nga Kërcimi në Muzikë: Fillimet dhe Rrugëtimi

Bennito nisi karrierën e tij si kërcimtar në një moshë fare të re. Në festivalet e para ku performoi me grupin e tij “Style Breakers”, ai shënoi suksese të mëdha, duke marrë pjesë në evente në Shqipëri, Kosovë, Zvicër, Paris, Greqi dhe Hollandë. Inspirimi i tij kryesor ishte Michael Jackson, dhe pasioni për ritmin e muzikës e bëri që të jetë një emër i kërkuar si koreograf për artistët më të njohur të estradës shqiptare.

Gjithsesi, kalimi nga vallëzimi në muzikë ndodhi natyrshëm. Miqtë dhe bashkëpunëtorët e tij e inkurajuan që të provonte zërin e tij në studio dhe pas suksesit të këngës së parë, ai vendosi ta ndiqte muzikën seriozisht.

Një Stil Origjinal dhe Projektet e Reja

Ndryshe nga shumë artistë të rinj, Bennito ka ndërtuar një stil të tijin, i cili është vlerësuar nga publiku për origjinalitetin dhe energjinë e tij në skenë. Ai ka sjellë këngë që janë pritur shumë mirë nga fansat, ndërsa tani është i fokusuar në albumin e tij të parë. Një nga këngët e albumit, “Bomb”, është publikuar tashmë dhe ka marrë vëmendjen e publikut si një hit për klubet.

Në albumin e tij të parë, ai ka përfshirë bashkëpunime me artistë të njohur si Vesa Luma, duke premtuar një projekt me shumë surpriza për publikun. Përveç punës në studio, ai është gjithashtu në përgatitje për koncerte në Shqipëri, Kosovë dhe më gjerë.

30 Revo-pyetje nga Aldo: Një Intervistë Ekskluzive me Benniton

Në një intervistë ekskluzive për rubrikën “30 Revo-pyetje nga Aldo”, Bennito ka ndarë detaje nga karriera e tij, sfidat dhe planet për të ardhmen. Ai kujton me nostalgji performancën e tij të parë në moshën 12-vjeçare, kur një burrë i moshuar me plis e përgëzoi me fjalët: “Na ke kënaqur, je yll.” Ky moment mbeti i paharrueshëm për të, duke i dhënë një motivim të madh për të vazhduar përpara.

Bennito thekson se koreografia dhe përvoja në skenë e ndihmuan jashtëzakonisht shumë në karrierën e tij si këngëtar, pasi tashmë e zotëron skenën me një vetëbesim të plotë. Ai është një artist që i jep shumë rëndësi korrrektësisë dhe disiplinës, cilësi që e kanë ndihmuar të krijojë një emër të besueshëm në industrinë muzikore.

E ardhmja: Çfarë mund të presim nga Bennito?

Ndërkohë që albumi i tij është në përgatitje dhe koncertet po planifikohen, Bennito shikon përpara me ambicie të mëdha. Ai dëshiron të vazhdojë të krijojë muzikë që i flet publikut, duke mbajtur gjithmonë një standard të lartë artistik. Kur e pyetën për një bashkëpunim ndërkombëtar të ëndrrave, ai zgjodhi Rita Orën, duke thënë: “Është e stilit tim dhe është shqipeee.”

Mesazhi i tij për të rinjtë që ndjekin ëndrrat e tyre është i qartë: “Punë, punë, punë dhe durim!” Me këtë mentalitet, ai është gati për të vijuar rrugëtimin e tij dhe për të sjellë muzikë të re për fansat e tij.

Bennito është një emër që do të vazhdojë të lërë gjurmë në muzikën shqiptare. Albumi i tij i parë pritet të jetë vetëm fillimi i një suksesi edhe më të madh.

30 pyetje për Benniton

1- Bennito, si e përshkruan veten me tri fjalë?

Njeri për tokë, korrekt & punëtor!

2 – Kujton momentin kur dole për herë të parë në skenë në moshën 12-vjeçare?

Po e kujtoj, isha vetëm 12 vjeç në shkollë dhe më zgjedhën mua edhe grupin tim të sapo krijuar i cili quhej në atë kohë “Style Breakers”.

3 – Si ishte ajo eksperiencë?

Ishte dita shlirimit të Kosovës pas lufte, një gjë nuk harroj kurrë kur një plak në moshë të vjetër me një plis të bardhë erdhi dhe më puthi në ballë dhe me tha “Na ke kënaqur, je Yll”.

4 – Si nisi pasioni yt për kërcimin dhe si ndihmoi ai në karrierën tënde muzikore?

Po kisha inspirim nga Michael Jackson dhe kështu e doja ritmin, muzikën, po më ka ndihmuar shumë se veq isha në estradë dhe kisha shumë shoqëri të mirë, media, këngtar etj.

5 – Çfarë të tërhoqi më shumë tek muzika që vendose ta ndiqje pas suksesit të këngës së parë?

Po, muzikë bëja edhe me shoqëri në studio, por vetëm për vete dhe pastaj lansoja në kengë cila quhej Dance dhe u prit shumë mirë.

6 – Ke qenë koreograf i shumë artistëve. A të ndihmoi kjo për të kuptuar më mirë skenën si këngëtar?

Po me ka ndihmuar, sepse në skenë jam rritur.

7 – Çfarë mendon se të veçon nga artistët e tjerë në skenën shqiptare?

Nuk mendoj që më veqon ndonjë gjë e madhe, vetem se jam shumë Tip personi Korrekt, fjala – fjalë, Besa – besë.

8 – Cila nga bashkëpunimet e tua ka qenë më sfiduese dhe pse?

Nuk kam shumë bashkëpunime, por këto që i kam bërë, janë të menduara mirë dhe me Stine, ashtu me Soni Malaj dhe Big Basta, i vlerësoj dhe respektoj shumë, por gjithë tjerët.

9 – Si lindi ideja për këngën “Bomb” dhe çfarë do të thotë ajo për ty?

“Bomb” nuk ka shumë filozofi, por është këngë për club, për neja dhe ritmike, tekst tepër ‘nice’ të cilin e ka shkruar Big Basta, muzikën Trinium.

10 – Albumi yt i parë është duke u përgatitur punë, çfarë mund të presim nga ky projekt?

Po, jam duke punuar për albumin tim të parë, do të ketë bashkëpunëtor në album si Vesa Luma dhe disa të tjerë.

11 – Nëse mund të zgjidhje një artist ndërkombëtar për një duet, kush do të ishte dhe pse?

Rita Ora është e stilit tim dhe është shqipeee.

12 – Cili është vendi më i veçantë ku ke performuar deri më tani?

Më së miri kam kalu në Berat në Shqipëri, ku më kanë pritur aq mirë sa nuk kam besuar vetes se më duan aq shumë.

13 – A ke një ritual para se të dalësh në skenë?

Jo nuk kam, sepse e dua skenën.

14 – Si ka qenë mbështetja e fansave në këtë rrugëtim tëndin?

Shumë e madhe ka qenë dhe është akoma.

15 – Cila ka qenë kritika më e mirë që ke marrë ndonjëherë për muzikën tënde?

Ka shumë edhe të mira, por ka edhe aso që jepin të këqija, por më shumë të mira si “ke zërin e mirë, stilin e veqantë”, disa nga këto fjalë.

16 – Nëse do të mund të këshilloje versionin tënd 12-vjeçar, çfarë do t’i thoje?

Mos just beso shumë njerëzve.

17 – Çfarë frymëzimi ke marrë nga artistët shqiptarë me të cilët ke bashkëpunuar?

Mmm ka edhe nga këto, por kohë e kaluar dhe gjitha në dorë të Zoti let vendos Zoti për të gjitha.

18 – Si është për ty një ditë e zakonshme jashtë skenës?

Normale, familje, shoqëri, udhëtime.

19 – Si e sheh evoluimin tënd artistik nga kërcimi te muzika?

Vallzimi më ka bërë shumë të vetëdijshëm, të disiplinuar, punëtor të madh.

20 – Çfarë të frymëzon më shumë kur shkruan ose zgjedh një këngë?

Jeta e përditshme, trendi kohës.

21 – Si e balancon jetën personale me karrierën artistike?

Unë edhe në jetën profesionale edhe artistike jam i njëjti, punëtor, i dashtum, korrekt, njeri që respektoj gjdo njeri, ata që më njohin, e din kush jam dhe si jam.

22 – Nëse do të mund të ndryshoje diçka në industrinë muzikore shqiptare, çfarë do të ishte?

Jo asgjë. Gjdo kush në vlerën e vet, gjdo njeri ka merita, deri sa bën diqka të mirë.

23 – Kush ka qenë momenti më emocionues i karrierës tënde deri tani?

Intervista që kam bërë në MTV Base në Roterdam Hollandë.

24 – A ka pasur ndonjë moment që ke menduar të heqësh dorë nga muzika? Si e ke përballuar?

Po, shumë, por nuk kam mundur, sepse jam rritur në muzikë dhe dua shumë punën.

25 – Si lindi emri yt artistik “Bennito”?

Bennito mua më kanë thirr shumë Benny dhe pastaj disa nga shoqëria ime, nga dashnia më thojshin benush, pastaj mendova dhe vendosa Bennito.

26 – Çfarë duhet të ketë një artist për të pasur sukses sipas teje?

Talent dhe energji për punën dhe durim.

27 – A ka ndonjë talent të fshehur që publiku nuk e di për ty?

Po ka shumë, por një nga ta është design, jam shumë i dhënë pas veshjeve dhe stilit.

28 – Si po shkon përgatitja për koncertet në Shqipëri, Kosovë dhe më gjerë?

Po, kam disa oferta ta shohim tash nëse mund të bëjmë Pazar😜

29 – Çfarë do të doje të arrije në 10 vitet e ardhshme si artist?

Ishallah jemi shëndoshë, Rahat, nëse kena këto pastaj në 10 vite, hmm qfar dua unë ka shumë, por ia lejm kohës dhe don Zoti të më dhurojë at q’ka dua.

30 – Mesazhi yt për të gjithë ata që ndjekin ëndrrat e tyre?

Punë, punë, punë dhe durim…