Në një intervistë të drejtpërdrejtë dhe të ngarkuar me tone pesimiste për të ardhmen politike të vendit, Petro Vokopola bëri një deklaratë të fortë: “Shqipëria këto ka, zgjedhjet e fundit! Me zgjedhje nuk do të ketë!”. Në një bisedë me Aldon, ai shprehu bindjen e tij se sistemi aktual ka dështuar të ofrojë zgjedhje të vërteta dhe vendimmarrje demokratike.

Petro: Aldo, unë e kam thënë në çdo vend, Shqipëria këto ka, zgjedhjet e fundit! Me zgjedhje nuk do të ketë!
Aldo: Pse? Pse kaq radikal?
Petro: Sepse formati që ka ndërtuar ky, nuk ka zgjedhje!
Aldo: Mendon që nuk do të ketë më zgjedhje fare?
Petro: Njerëzit do të ikin prapë.
Aldo: Nuk do të ketë më vendimmarrje?
Petro: Nuk do të ketë më vendimmarrje. Vendimmarrje nuk ke as sot. Por këto janë zgjedhjet e fundit!
Aldo: Atëherë, Petro Vokopola, nën numrin 1!
Petro: I fundit në listë!
Aldo: I fundit në listë. E paske akoma më të lehtë për votuesit të të identifikojnë.

Sipas tij, mungesa e mundësisë për të ndikuar në vendimmarrje i shtyn qytetarët drejt emigrimit, duke e cilësuar këtë valë të re si një formë reagimi pasiv ndaj një sistemi të mbyllur. “Nuk do të ketë më vendimmarrje. Vendimmarrje nuk ke as sot. Por këto janë zgjedhjet e fundit!” – shtoi ai.

Në fund të bisedës, ndërsa Aldo përpiqej të shtonte një notë humori duke theksuar që Vokopola është “i fundit në listë”, ky i fundit e pranoi me sportivitet: “E paske akoma më të lehtë për votuesit të të identifikojnë.”