Elton Arbana është një prej figurave publike që rrugëtimin e tij politik e ka ndërtuar mbi vlerat e përkushtimit, familjes dhe përgjegjësisë qytetare. I rikthyer nga studimet në Turqi me një dëshirë të fortë për të kontribuar në vendlindje, ai i është përkushtuar me seriozitet transformimit të Shijakut.

Nuk e nisi këtë rrugëtim për ambicie personale, por nga ndjenja e thellë për t’u vënë në shërbim të komunitetit. Eshte kjo filozofi që e udhëheq në çdo vendimmarrje: të punojë për njerëzit që zgjojnë çdo mëngjes me shpresë për një jetë më të mirë.

Mbështetur nga familja dhe besimi i qytetarëve, Elton Arbana ka ditur të ndërtojë ura bashkëpunimi që kanë sjellë zhvillim real në Shijak. Investimet me ndikim afatgjatë janë dëshmia më e mirë e angazhimit të tij për një qytet që ecën drejt vizionit europian të 2030-ës.

Në rolin e një drejtuesi publik dhe një babai të pesë fëmijëve, ai e sheh misionin e tij politik edhe si një mision njerëzor. Për Elton Arbanën, suksesi matet me ndryshimet që prekin jetën e qytetarëve, jo me statistika në letër.

Duke qëndruar larg gjuhës së urrejtjes dhe duke iu përgjigjur çdo kritike me punë dhe dinjitet, Arbana ka zgjedhur një rrugë që e ndërton besimin çdo ditë. Për të, puna është përgjigjja më e fortë.

RevoKult interviston për herë të parë një politikan në rubrikën “30 Revo-pyetje nga Aldo” dhe ja si përgjigjet Arbana me sportivitet:

1. Cila është fjalia që përmbledh gjithë rrugën tuaj drejt politikës?

– Rruga drejt përfshirjes time në politikë është ndërtuar me përkushtim, sakrificë dhe besim.

2. Cili ka qenë mbështetësi juaj më i madh në jetë?

– Prindërit e mi kanë qenë forca ime e parë më e madhe.

3. Si e kanë ndikuar prindërit tuaj jetën tuaj?

– Në heshtje më dhanë gjithçka, duke sakrifikuar për të më parë të eci drejt një jete më të mirë.

4. Ku keni kryer studimet tuaja?

– Shkollimi im ka qenë në Turqi.

5. Çfarë përfaqësonte për ju shkollimi jashtë vendit?

– Ishte një përballje me sfida, por edhe një mundësi për të rritur veten me përgjegjësi dhe vlera.

6. Si ndiheni për rikthimin në qytetin tuaj?

– Kur u riktheva në Shijak, kisha dëshirë për t’i kthyer komunitetit tim atë që më kishte dhënë jeta.

7. Çfarë ju shtyu të angazhoheshit në politikë?

– Angazhimi im në politikë nuk lindi nga ambicia personale, por nga ndjenja e përgjegjësisë.

8. Çfarë dëshironi të arrini për qytetin tuaj?

– Për t’i dhënë fëmijëve tanë Shijakun që meritojnë.

9. Si e shihni rrugëtimin tuaj të deritanishëm?

– Kur kthej kokën pas, ndjej krenari për rrugëtimin tim, për sfidat e kaluara.

10. Cilat janë disa prej arritjeve që ju bëjnë krenar?

– Investimet e bëra në Shijak që do lënë gjurmë prej shumë dekadash.

11. A mendoni se ka ende për t’u bërë?

– Jam i vetëdijshëm se gjithmonë ka vend për të bërë më shumë.

12. Kush ju ka përkrahur në këtë rrugëtim?

– Kam pasur fatin të kem përkrahje në këtë rrugëtim, sepse punët e mëdha nuk bëhen vetëm.

13. Sa e rëndësishme ka qenë mbështetja e Kryeministrit?

– Mbështetja e Kryeministrit ka qenë thelbësore për të çuar përpara projekte dhe nisma që prekin jetën e qytetarëve.

14. Si i keni kapërcyer sfidat e qytetit të Shijakut?

– Kemi kapërcyer sfidat e vështira vetëm falë mbështetjes së Kryeministrit Rama dhe qeverisë shqiptare, si dhe punës sonë të vazhdueshme.

15. Çfarë roli ka familja në jetën tuaj politike?

– Si prind i 5 fëmijëve, angazhimi im merr edhe më shumë kuptim dhe ndjeshmëri për të bërë më të mirën për fëmijët e Shijakut.

16. Si reagoni ndaj kritikave dhe fjalëve të rënda?

– I mirëkuptoj edhe ata që janë kundër meje, sepse secili ka të drejtën e vet për të menduar ndryshe.

17. Çfarë qëndrimi mbani ndaj kundërshtarëve tuaj?

– Zgjedh t’i lexoj dhe të dëgjoj, sepse nga çdo zë mund të mësoj diçka.

18. Si e përballoni gjuhën e urrejtjes?

– Zgjedh të mos e ushqej gjuhën e urrejtjes dhe kësaj gjuhe t’i përgjigjem gjithmonë me punë dhe dinjitet.

19. Cila është përgjigja juaj më e fortë ndaj kundërshtive?

– Puna është përgjigja më e mirë!

20. Çfarë ju pret në të ardhmen në lidhje me Shijakun?

– Përpara na presin investime të reja për Shijakun.

21. Cili është vizioni juaj afatgjatë për qytetin?

– Drejt vizionit europian të 2030-tës!

22. Cila është motoja që ju udhëheq në punën tuaj?

– Ku ka vullnet, ka zgjidhje!

23. Çfarë doni t’u ktheni prindërve tuaj përmes punës suaj?

– Dëshiroj t’i bëj krenar prindërit e mi.

24. Si e përjetuat largësinë nga vendi dhe familja gjatë shkollimit?

– Ishte një përballje me sfida.

25. Cilat janë vlerat që morët nga jeta jashtë?

– Përgjegjësi dhe vlera.

26. Çfarë ju shtyn çdo ditë të vazhdoni punën në politikë?

– Ndjenja e përgjegjësisë ndaj njerëzve të punës dhe komunitetit.

27. Si e përshkruani përkushtimin tuaj si prind në lidhje me Shijakun?

– Angazhimi merr më shumë kuptim dhe ndjeshmëri për të bërë më të mirën për fëmijët e Shijakut.

28. A ndiheni vetëm në këtë rrugëtim?

– Jo, sepse punët e mëdha nuk bëhen vetëm.

29. Çfarë e bën të veçantë për ju qytetin e Shijakut?

– Është qyteti im i zemrës.

30. Në fund të ditës, si doni të mbeteni në mendjet e njerëzve?

– Si dikush që iu përgjigj çdo sfide me punë dhe dinjitet.