Në një hap të ri drejt zhvillimit të përmbajtjes kreative dhe promovimit të vlerave artistike, RevoKult ka nisur një bashkëpunim me MBN Pictures, një prej studieve më inovative të prodhimit filmik dhe multimedial në Shqipëri. Ky partneritet synon të forcojë dimensionin vizual dhe estetik të projekteve kulturore, duke sjellë tregime të reja përmes imazhit dhe filmit. Përmes këtij bashkëpunimi, RevoKult dhe MBN Pictures do të ndërthurin eksperiencën gazetareske dhe artistike për të krijuar përmbajtje me ndikim estetik dhe shoqëror, nga dokumentarë e video kreative, deri te projekte që nxisin reflektim dhe dialog kulturor.
MBN Pictures është një studio e prodhimit filmik dhe multimedial me bazë në Tiranë, e specializuar në krijimin e përmbajtjes vizuale me identitet artistik. Ne besojmë në fuqinë e tregimit kreativ dhe punojmë për t’i dhënë çdo projekti një stil të personalizuar që pasqyron mesazhin dhe vizionin e klientëve dhe partnerëve tanë.
Me gati 10 vite eksperiencë në industrinë audiovizuale, studioja jonë ka një portofol të pasur që përfshin dokumentarë, filma të shkurtër, reklama artistike, video komerciale dhe podkaste. Puna jonë me dokumentare është e lidhur ngushtë me çështje të rëndësishme shoqërore, duke bashkëpunuar me organizata mediatike dhe organizata të shoqërisë civile që operojnë në Shqipëri.
Ne kemi realizuar gjithashtu prodhime artistike për biznese të ndryshme, me fokus në prezantimin kreativ dhe efektiv të produkteve dhe shërbimeve të tyre. Disa nga filmat tanë kanë marrë vlerësime dhe çmime në evente të ndryshme filmike.
MBN Pictures ka ndërmarrë iniciativa të rëndësishme sociale, edhe pa mbështetje financiare, me qëllim që të sjellë në vëmendjen publike problematika reale të shoqërisë shqiptare. Një nga këto iniciativa ka qenë organizimi i një ekspozite multimediale të fokusuar në temën e dhunës ndaj grave, e cila mblodhi bashkë artiste shqiptare nga fusha të ndryshme të artit. Përmes filmit, fotografisë dhe instalacioneve vizuale, ekspozita synoi të fuqizojë figurën e gruas dhe të nxisë reflektim të thellë mbi sfidat me të cilat ato përballen çdo ditë.
Studioja ka qenë aktive edhe në komunikimin publik rreth çështjeve të shëndetit mendor dhe tematikave të tjera që lidhen me barazinë gjinore e të drejtat e njeriut. Si pjesë e angazhimit të saj, përmbajtje informuese dhe biseda me karakter sensibilizues janë ofruar për audiencën përmes platformave mediatike dhe rrjeteve sociale, duke i dhënë zë individëve dhe historive që shpesh mbeten në heshtje.
Përmes këtyre nismave, MBN Pictures demonstron qartë misionin e saj për të qenë jo vetëm një studio kreative, por edhe një faktor i rëndësishëm në ndërgjegjësimin, dialogun dhe ndryshimin pozitiv në shoqëri.
Stafi I studios:
Matias Ndini është një profesionist krijues i specializuar në Regji Filmi dhe Televizioni, me një diplomë nga Akademia e Arteve në Tiranë. Si CEO i MBN Pictures, ai sjell një përvojë të gjerë në regji, montazh, kinematografi dhe krijimin e përmbajtjes në një gamë të gjerë projektesh multimediale. Portofoli i tij përfshin filma të shkurtër të vlerësuar me çmime, dokumentarë me ndikim dhe përmbajtje të markave për kompani të njohura si Vodafone Albania, Cineplexx dhe World Vision Albania.
Përveç punës kreative, Matias ka kontribuar aktivisht në edukimin mediatik dhe fuqizimin e të rinjve përmes rolit të mentorimit dhe trajnimeve me organizata si Qendra Shqiptare për Gazetari Cilësore, ICTSlab dhe Citizens Channel. Ekspertiza e tij përfshin prodhimin e videove, shkrimin e skenarëve, animacionin dhe marketingun digjital, dhe ai zotëron aftësi të avancuara në përdorimin e programeve si: Adobe Premiere Pro, After Effects, Lightroom dhe Celtx.
I njohur si një nga 40 sipërmarrësit më të suksesshëm nën 40 vjeç në Shqipëri, Kosovë dhe Maqedoni të Veriut (2023 & 2024), Matias është i përkushtuar për të përdorur multimedian si një mjet për ndikim social, tregim kulturor dhe fuqizimin e brezave të ardhshëm të krijuesve.
Rea Çikali – Koordinatore Grantesh & Producente
Rea Cikali bashke-themeluese e studios MBN Pictures. Me eksperience në koordinimin e granteve dhe prodhimin multimedial, me përvojë në menaxhimin e projekteve dhe iniciativave kreative me ndikim shoqëror. Ajo kombinon aftësi të forta financiare dhe kreative, duke përfshirë menaxhimin e buxheteve, komunikimin dhe multimedian, mbikëqyr burimet financiare dhe njerëzore të projekteve, ndjek dhe analizon performancën e aktiviteteve, dhe siguron që të gjitha raportimet të jenë në përputhje me standardet dhe objektivat e vendosura. Ajo ka kontribuar gjithashtu në prodhimin e projekteve filmike dhe multimediale, duke ndjekur të gjitha fazat e realizimit, nga koordinimi i stafit dhe aktorëve, te post-produksioni dhe sigurimi i cilësisë së përmbajtjes.
Ajo ka një diplomë Master në Financa dhe Kontabilitet dhe një diplomë Bachelor në Ekonomi dhe Politikë Bujqësore, si dhe certifikime të ndryshme në menaxhimin e projekteve dhe programet financiare.
Endi Tomini – Videograf & Content Creator
Endi Tomini është një videograf dhe content creator me mbi katër vite eksperiencë në prodhimin audiovizual. Ai zotëron njohuri në përdorimin profesional të kamerave, pajisjeve të ndriçimit dhe teknologjive të tjera të domosdoshme për realizimin e videove dhe fotografive me cilësi të lartë.
Në punën e tij, Endi ka kontribuar në projekte të ndryshme që variojnë nga reklamat dhe eventet, deri te prodhimet kreative dhe përmbajtja për platforma sociale. Ai kombinon aftësitë teknike me kreativitetin vizual për të sjellë histori që tërheqin, informojnë dhe lënë mbresë.
Fokus profesional:
- Operim me kamera dhe pajisje filmike
- Xhirime dhe regjistrime në terren
- Montazh dhe post-produksion
- Zhvillim i koncepteve vizuale dhe storytelling
Nertil Zenuni – Artist VFX & Tregues Vizual i Historive
Ai ka kontribuar në fushata dhe produksione për marka të njohura si Pokemon, Cineplexx Albania, FMG FX, Sezon Dekor, Hyundai AI/Ks, Ford Hyundai AI/Ks, Pinto Color dhe Foodini. Përzierja unike e ekspertizës teknike me drejtimin artistik shfaqet në një gamë të gjerë projektesh, nga promocione komerciale dhe vizualizime futuristike 3D, deri te shfaqje vizuale immersive dhe sekuenca kinematografike.
Me bazë në Shqipëri, Nertil Zenuni është një artist VFX dinamik, i specializuar në kompozitim VFX, rotoscoping dhe motion graphic në post-produksion. Me mbi 50 projekte të realizuara, Nertil sjell në jetë vizualizimet përmes punës së detajuar të kompozimit dhe efekteve vizuale.
Kosta Kole – asistent regjisor & menaxher I rrjeteve sociale
Kosta është diplomuar në Komunikim dhe Marketing Digjital dhe aktualisht punon si menaxher i mediave sociale. Ai ka përvojë në zhvillimin e fushatave digjitale dhe krijimin e përmbajtjes që angazhon audienca të ndryshme. Gjatë karrierës së tij, ka bashkëpunuar me biznese të ndryshme në projekte që synojnë rritjen e angazhimit të publikut dhe zgjerimin e prezencës së tyre online.
Aldo Mustafa – Gazetar & Themelues i RevoKult
Aldo Mustafa është gazetar, autor dhe themelues i platformës RevoKult, një media kulturore e cila ndërthur gazetarinë, artin dhe analizën sociale për të sjellë përmbajtje cilësore e të menduar thellë. Me një përvojë disavjeçare në fushën e komunikimit dhe medias digjitale, ai ka ndërtuar një profil të veçantë si zë kritik dhe kreativ në peizazhin kulturor shqiptar dhe jo vetëm.
Si drejtues i RevoKult, Aldo ka ideuar dhe zhvilluar rubrika, intervista dhe artikuj që trajtojnë tema nga arti bashkëkohor, letërsia, kinemaja, muzika, shkenca dhe fenomenet shoqërore, duke e kthyer platformën në një hapësirë reflektimi dhe dialogu mes krijuesve dhe lexuesve. Ai është gjithashtu autor i RevoCast, podcast-it që sjell biseda të thella dhe autentike me artistë, aktorë, këngëtarë dhe profesionistë të fushave të ndryshme.
Stili i tij gazetaresk njihet për gjuhën e pastër, strukturën analitike dhe ndjeshmërinë estetike ndaj fjalës dhe imazhit. Artikujt e tij janë botuar rregullisht në RevoKult.com, si dhe në rrjete sociale, ku kanë arritur një audiencë të gjerë falë tonit të veçantë informues dhe emocional.
Në punën e tij, Aldo Mustafa kombinon pasionin për letërsinë dhe artin me aftësi në komunikimin vizual dhe konceptimin editorial. Ai beson se gazetaria kulturore duhet të jetë jo vetëm burim informacioni, por edhe një formë arti, një mënyrë për të ndikuar në mënyrën se si shoqëria mendon, ndjen dhe krijon.