Aktualisht, aktorja e njohur Mimoza Marjanaku ka zbuluar se është duke u përgatitur për një projekt të ri të jashtëzakonshëm: një dramë të shkruar nga shkrimtarja e talentuar Anisa Markarjan. Në një bisedë të fundit në RevoCast, Marjanaku ka ndarë detaje rreth këtij projekti që ka ngjallur shumë kuriozitet.

Sipas Mimozës, puna për këtë dramë është ende në fazën e përgatitjeve, por megjithatë, Driada Dervishi, regjisore e projektit, ka nisur të punojë për platformën e tij. “Nuk i kemi nisur akoma përgatitjet, i ka nisur Driada Dervishi, që po përgatit platformën,” tregon aktorja. Ajo thekson se nuk ka pasur mundësinë ta lexojë ende pjesën e dramës, por për shkak të njohurisë me veprat e tjera të Anisës Markarjan, ajo është e bindur për cilësinë dhe bukurinë që do të sjellë ky projekt.

Marjanaku shprehet se ka lexuar librat e Anisës dhe se e pëlqen shumë si shkrimtare. “Më pëlqen shumë Anisa si shkrimtare,” thotë ajo, duke shtuar se beson që ky projekt do të jetë diçka e veçantë dhe emocionuese. “Mendoj që do jetë diçka e bukur dhe në fakt mezor po pres që të filloj,” shton ajo, duke u shprehur me entuziazëm për fazën e ardhshme të realizimit të dramës.

Ky projekt i ri shënon një hap të rëndësishëm në karrierën e Mimoza Marjanaku, një aktore që është gjithmonë në kërkim të mundësive të reja për të shprehur talentin e saj në role të ndryshme. Kjo dramë e re, që do të përfshijë bashkëpunim me shkrimtaren e njohur dhe regjisoren e talentuar, premton të sjellë diçka të freskët dhe me shumë vlera për publikun.

Mimoza është padyshim një nga aktoret më të njohura dhe më të dashura për publikun, dhe ky projekt i ri do të jetë një mundësi e shkëlqyer për ta parë atë në një dimension të ri artistik.

INTERVISTA

Mimoza Marjanaku: Këto ditë do filloj një dramë, të shkruar nga Anisa Markarjan.

Aldo Mustafa: Shumë e bukur. Kanë nisur përgatitjet?

Mimoza Marjanaku: Nuk i kemi nisur akoma përgatitjet, i ka nisur Driada Dervishi, që po përgatit platformën. Unë në fakt nuk e kam lexuar pjesën, e marr me mend, sepse i kam lexuar librat Anisës. Më pëlqen shumë Anisa si shkrimtare. Mendoj që do jetë diçka e bukur dhe në fakt mezor po pres që të filloj.

Aldo Mustafa: Dmth. projekti yt i radhës…

Mimoza Marjanaku: Është kjo dramë!